好夢正甜，又俾人攪醒我！喵！
2011年11月5日 星期六
我好鍾意我的"三圍"
男主人突然捉著我，因為女主人要度我的"三圍"！
我不知道"三圍"用來做什麼，只知道他們將我反來覆去，好忙碌，女主人度了很久，我覺得很煩，所以開始咬男主人......
度完之後，他們哈哈哈地笑，笑得好開心，我不知道我的"三圍"有什麼好笑，但若果這個"三圍"可以令主人這麼開心，我相信一定是很"勁"吧！
所以，我好鍾意自己的"三圍" 23-36-42 :)
2011年10月2日 星期日
2011年8月27日 星期六
2011年8月6日 星期六
Good-bye Kiss ^B^
阿毛今日終於跟主人返屋企喇！臨別依依，忙著收拾行裝，IceCream很好奇地跟出跟入；當她見阿毛躲在床下底時，她又捐入去，難道她以為是全屋人貓一齊玩捉迷藏？這張相片，是IceCream送別阿毛時拍的：阿毛被困貓袋，IceCream在旁陪伴，安慰阿毛，為她加油打氣，還送上Good-Bye Kiss一大個，呢個場面係咪好感人呢？
哈！我實在諗多咗喇 ^^
2011年8月5日 星期五
2011年7月29日 星期五
阿毛"甩"咗！
晚上突然發現：點解阿毛條胃喉跌咗落下巴既？連忙替她檢查，原來連著胃喉的兩根線斷了，胃喉鬆了，比平時凸多了8cm出來！
好驚的我，與好淡定的阿毛四目交投：點算好？急忙致電貓醫院，但已過辦公時間，故致電緊急求助電話，護士姐姐立即接聽，叮囑我千萬不要嘗試將胃喉恢愎原位（推入），以免篤到肺，或傷及其他內臟，她建議我慢慢把胃喉拉出來！
我？
拉出來？
唔使麻醉架咩？貓貓會唔會好痛架？
會唔會拉出來都傷及內臟架？
會唔會有好多血流出來？
插喉位置嗰個洞都差唔多有成1cm咁大，點攪啊？
連隨問了一大堆問題，護士姐姐不停鼓勵：唔怕唔怕！無事架！無事架......
終於，我便鼓起勇氣開始動"手術"，好慢好慢咁拉條胃喉出來：究竟條喉有幾長架？點解拉極都仲未拉完？？好驚，驚會弄痛貓貓，手都震埋！
３分鐘，好漫長的３分鐘後，手術終於完成，條胃喉足足長26cm！
阿毛好乖，全程坐定定，無發脾氣，無勞嘈，她這樣信任我這位無牌護士，好感動 @@
阿毛終於唔再做"天線得得Ｂ"了，但就要靠自己食魚魚，無得再用針筒餵喇！如果自己唔肯食，護士姐姐說便要再做手術插胃喉......Oh No! 又要全身麻醉？
阿毛，叻叻，你要努力加油啊！食魚魚啦！
2011年7月17日 星期日
2011年7月16日 星期六
依依不捨 :)
今早看到老貓阿毛的頸巾，布縫邊都披口了，原來在不知不覺間，阿毛已暫託在我家一個月呢！
很高興看見阿毛精神越來越好，晚上定必出來迎接放工回家的我，也會跟IceCream玩捉迷藏；雖然她通常都是被捉的一個，給IceCream撲起抱著屁股，嚇得拿拿臨躲在床下底避難，但不到兩分鐘又會再出來找IceCream呢！這個就是貓貓玩的遊戲嗎？
阿毛的主人將會回港了，相信阿毛與主人重聚，一定很高興吧！我要把握最後機會，多餵阿毛吃多幾餐，讓她肥肥白白靚靚見主人囉！
回想起來，最初以為她捱不了幾多日子，接她回家時還感到一點兒擔心...... 真慶幸自己膽粗粗答允照顧這隻17歲的老貓，很堅強＆逗人歡喜的阿毛 :)
2011年7月5日 星期二
2011年7月2日 星期六
阿毛遊中環
今日帶阿毛去中環覆診, 她非常淡定, 全程伸個頭仔出來左望右望, 仲不時發出"評論" :) 養貓十多年, 但從來無試過能這樣帶貓去街 (因為以前的貓貓都會從貓袋中跳出來的)。我們經過街市魚檔, 見到游水海鮮, 阿毛也望到眼定定 :) 行兩步見到海味店正曬咸魚, 我和阿毛又一齊八卦 :) 和貓一齊去街, 好開心呢! 更開心的是, 醫生說阿毛情況是Very Good! 血色很好 (無貧血), 水份又夠 (無缺水), 體重還增加了呢 (今天是 3.62kg, 三個星期前是 3.49kg)! 醫生說, 老貓得了病, 情況通常只會越來越差, 但阿毛情況轉好, 而且體重還有增加, 是很難得啊! 希望阿毛繼續努力, 食得瞓得便便得, 快啲再重多一兩kg啦!
2011年7月1日 星期五
咁大枝
阿毛雖然開始自己用口吃東西，但所吃不多，所以每天早晚依然會用針筒將貓糧打入管喉中餵給她吃，補充營養。由於之前在貓醫院買的10ml針筒經已不能再用了，所以便走到藥房買，但店員哥哥話：嘩，10ml咁大枝，你要去五金舖先有得賣架！
五金舖？
然後，老公走去五金舖買針筒，真係有得賣啊，仲幾大枝都有添！老公見針筒要連針一齊買，為免浪費，所以便問：有無唔連針的針筒賣呢？五金舖哥哥答：無針就唔叫針筒啦！
佢有道理！
但我諗極都唔明，點解五金舖會賣針筒？如果唔係醫療用途，咁要支針來做乜？
因為平時每次都餵兩支10ml的貓糧，所以為咗方便啲，老公便買了一枝20ml的針筒！嘩，咁大枝，好彩只係用來餵食，而唔係打針！
突然記起童年時一個廣告：
甘大滋 咁大枝喎！
眼望望 心思思
渣喺手 笑咪咪
食落口 甜絲絲
醒目仔 買返啲
快啲買 咪執輸啊！
2011年6月30日 星期四
2011年6月21日 星期二
2011年6月19日 星期日
2011年6月16日 星期四
阿毛的新領巾（測試中）
阿毛頸上插上了餵食用的喉管，雖然已用紗布固定位置，但似乎都經常左右Fling。我有點擔心喉管會因意外而被弄斷，令阿毛受傷 ，所以今晚匆忙地用了少少時間，整了一條領巾給她，以固定喉管位置。領巾仍在測試階段，如阿毛無感到任何不適，我便可以在週末花多點時間整一條比較可愛的新領巾給她了 :)2011年6月14日 星期二
2011年6月13日 星期一
2011年6月12日 星期日
IceCream 宣示主權
長毛貓來到我家暫住一個月，可能因為身型比IceCream大一個碼，所以令IceCream有點不安。最好笑的是，她發現電腦房的窗能望見書房的窗，所以企在電腦房隔著玻璃向長毛宣示主權，狂喵～既無危險又能盡情發惡，超級聰明啊 :)
過了三天，她已開始安定下來，雖然偶然都會一輪咀向我們投訴，但只得把口，無其他頑皮動作，很有進步了！
IceCream真乖 :)
2011年6月11日 星期六
IceCream和長毛貓，水溝油！
17歲的長毛，將暫託養在我家一個月，待主人由美國公幹回港。昨晚她一抵步，立即觸動我家小霸王IceCream的神經，兩隻貓水火不融，點算好？
長毛貓因病未能自行進食，故頸上插有喉管，以作餵食餵水之用。我怕IceCream會跟長毛打架，弄斷喉管，所以全晚都不敢熟睡，忙著分隔兩貓，充當和事佬。
今天，IceCream一早便半步不離跟實我，好像要霸實我這個主人一樣，是呷醋嗎？但每當她一經過長毛的房間（門已經是閉上的），她仍擺出一副戰鬥格！
至於長毛，明顯地因舊主人不在家而提高警覺，自己獨自躲起來。當我行近想餵她糧水時，她便＂胡胡＂聲地發出警告...我由今朝早8am開始嘗試餵水，餵到現在4pm，仍未成功！
希望長毛快點適應新環境，繼續努力地活下去吧！也希望IceCream發揮她一貫擅長的好客之道，對長毛包容一點啦！至於我也會努力加油，好好照顧這隻惹人憐愛的老貓，當作是一個鍛練囉！
2011年3月5日 星期六
2011年2月8日 星期二
2011年1月29日 星期六
八妹 Ice-cream 的新居？
行年宵市場見到有筒＂雪糕＂，原來係＂紙巾盒＂！紙巾盒面有 Ice-cream呢個字，所以就買俾八妹做賀年禮物啦！返到屋企，拆開個包裝紙盒，呢頭將卷紙巾放入個紙巾盒入面，嗰頭已經見八妹非常好奇咁將自己塞入個包裝紙盒裡面喇！
訂閱：
文章 (Atom)