影帝

細ｄ 貓每天都是這副「滿懷心事」的樣子陪著我上網的！這種憂鬱的眼神，似唔似影帝梁朝偉呀？

「如果，我多一張船飛，你會唔會跟我一齊走？」

（你知唔知呢句對白係出自邊套電影呢？）

細ｄ的古怪習慣～伸脷

細ｄ最近有個古怪習慣：伸脷！

點解？是否年紀大，無記性，唔記得了將條脷縮返入口？？？

今天我用電腦，她又來「幫手」了！仲伸條脷出來扮鬼嚇我添！哎吔，都未到Halloween！真俾細ｄ吹漲！

大Ｄ「埋堆」扮公仔

我的床尾有一個「公仔堆」，放著跟了我廿多年的熊仔「寶寶」，和老公送我的Mochichhi公仔。

最近，大Ｄ玩「埋堆」，竟然跳到公仔堆中扮公仔：初時只是企定定，後來索性掃跌幾隻公仔落地，騰出空間來當自己的睡床！

我檢起地上的公仔問大Ｄ：「係咪你整跌架？」大Ｄ眼仔碌碌望著我，然後擰轉頭不理我！

明知故問！又係你成日話我似公仔！啋你都傻！喵～

好舒服～

大Ｄ今個夏天又開始咬自己的毛，我們相信和上次一樣，又是細ｄ的傑作：細ｄ經常發脾氣，凶大Ｄ，令大Ｄ感到不安，所以咬自己！

這個理論很奇怪嗎？其實，不少動物都會因為不安而這樣做，我便看過一套紀錄片，主角原是一隻很漂亮的金剛鸚鵡，但有人非法補獵，令牠非常驚恐，雖然最終被拯救送到護理中心，但自始不停咬自己的羽毛，幾乎全身的羽毛都咬掉了，傷痕累累；當我看到這段時，我便想：難道這隻金剛鸚鵡，知道自己是因為漂亮的外表而吸引人類捕獵，所以要自殘？不過，根據主持人的解釋，鸚鵡是因為情緒不安而咬自己。

為了令大Ｄ不再咬自己，我們便用了「梳毛」及「甜言蜜語」這兩種方法治療方法；「梳毛」就是用小梳子替牠梳順貓毛，順便可以令牠的血液循環，應該是很舒服的（睇佢個樣就知幾Enjoy啦！）；「甜言蜜語」就是常常讚牠靚、可愛、乖，給牠正能量啊！

另外，就是要對付問題的核心：細ｄ！每當見到牠又發脾氣打大Ｄ，便立即軟硬兼施地阻止：先大聲罵牠，讓牠知道我們不容許牠打大Ｄ，然後就溫柔地跟牠傾計和搓肚腩... ...

大Ｄ的貓毛最近靚返晒喇！