咁大枝

阿毛雖然開始自己用口吃東西，但所吃不多，所以每天早晚依然會用針筒將貓糧打入管喉中餵給她吃，補充營養。

由於之前在貓醫院買的10ml針筒經已不能再用了，所以便走到藥房買，但店員哥哥話：嘩，10ml咁大枝，你要去五金舖先有得賣架！

五金舖？

然後，老公走去五金舖買針筒，真係有得賣啊，仲幾大枝都有添！老公見針筒要連針一齊買，為免浪費，所以便問：有無唔連針的針筒賣呢？五金舖哥哥答：無針就唔叫針筒啦！

佢有道理！

但我諗極都唔明，點解五金舖會賣針筒？如果唔係醫療用途，咁要支針來做乜？

因為平時每次都餵兩支10ml的貓糧，所以為咗方便啲，老公便買了一枝20ml的針筒！嘩，咁大枝，好彩只係用來餵食，而唔係打針！

突然記起童年時一個廣告：

甘大滋　咁大枝喎！

眼望望　心思思

渣喺手　笑咪咪

食落口　甜絲絲

醒目仔　買返啲

快啲買　咪執輸啊！