廁所女神

昨天開始，阿毛多了一個＂嗜好＂，就是呆站廁所望實水喉......水喉無水流出來，她望著水喉做乜呢？於是我就開水喉讓水漫漫流出來......原以為，阿毛會跟IceCream一樣，站在水喉底抬頭飲水，但又無飲喎，於是我便閂水喉，阿毛就繼續望著水喉，眼都唔眨 @_@

望了好耐好耐，起碼30分鐘，叫她很多次＂夠鐘瞓覺喇！＂，但無反應呢！終於，12:30am，她肯返房瞓覺喇，熄燈！z z Z Z

凌晨3:15am，阿毛起身，走咗出房，去邊啊？原來又係返廁所望水喉......@_@

難道是我昨晚聽咗好多次日本歌手植村花菜 的＂廁所女神＂，令阿毛以為我要她做＂廁所女神＂？